22 наурыз мерекесі

Талапты орта мектебінде өткен

 Наурыз мейрамы туралы ақпарат

2022-2023 оқу жылы

Отыз күн ойынын, қырық күн тойын жасаған қазақ халқы үшін кез келген мерекенің орны айрықша. Әсіресе, Наурыз мейрамын кең көлемде атап өту дәстүрі жылдан-жылға қанатын жайып келеді. 22 наурызда республика көлемі, аудан мен ауыл-аймақтардан басталатын мейрам сәуір айының ортасына дейін тойланып жүр.Бұл да бірлігі жарасқан бейбіт елдің бір бақыты болса керекті. «Талапты орта мектебі» КММ-де 22 наурыз Ұлыстың ұлы күні – Наурыз  мерекесіне орай жоспар құрылып, бекітіліп іс-шаралар өткізілді.

Сынып жетекшілер «Қош келдің, Наурыз мейрамы!»  тақырыбында тәрбие сағаттарын өткізді, видеоматериалдар көрсетілді, ойындар өткізілді.. 

«Ұлыс күні ұлы шашу!»  тақырыбында ауыл-ауыл болып бөлініп, мектеп пен ата-аналар арасындағы сабақтастықты нығайту мақсатында жарыс өткізілді. Жарыстың өзіндік ерекшелігі болды, арнайы жарыстың шарты көрсетіліп, соған қарай ұйымдастырылды. Барлық мектеп оқушылары, ата-аналар, мұғалімдер қауымы қатысты, дастархан жайылды.

«Наурыз – Думан» тақырыбында қазақтың ұлттық ойындарынан спорттық сайыстар өткізілді. Қызыққа толы ойын болды, күштері сыналды, белсенді ат салысты.

«Қазақтың ұлттық салт-дәстүрлері» тақырыбында қазақтың ұлттық салт-дәстүрлері бойынша көрсетілімдер болды. Тәрбиелік маңызы зор, болашақ ұрпаққа, жастарға үлгі боларлық көрсетілім болды.

«Наурызым мерекем-Наурызым берекем» тақырыбында мерекелік концерт өткізілді. Ата-аналарға, ауылдың ақ сақалдарына сөз берілді, мектеп оқушылары өз өнерлерін көрсетті.